• 19.07.2018/ Tovuz rayonunda kartof güvəsinə qarşı mübarizə tədbirləri aparılır
  • 18.07.2018/ FÜZULİ VƏ AĞDAMDA PAMBIĞIN BECƏRİLMƏSİ ÜÇÜN AQROTEXNİKİ TƏDBİRLƏRİN TƏŞKİLİ" MÖVZUSUNDA MÜŞAVİRƏ KEÇİRİLİB
  • 14.07.2018/ Gürcüstandan Azərbaycana İtaliya çəyirtkəsinin kütləvi miqrasiyasının qarşısı alınıb
  • 13.07.2018/ Pambıq sovkasına qarşı bioloji mübarizə tədbirləri davam edir
  • 11.07.2018/ Saatlı və Sabirabad rayonlarında fermerlər üçün maarifləndirici təlim keçirilib
  • 11.07.2018/ Gədəbəydə Kolorado kartof böcəyinə qarşı mübarizə başlayıb

21 İyul 2018
Dont risk

Xəbərlər

11.07.2018/ Saatlı və Sabirabad rayonlarında fermerlər üçün maarifləndirici təlim keçirilib

Saatlı və Sabirabad rayonlarında pambıq əkini ilə məşğul olan fermerlər və təsərrüfat sahibləri üçün maarifləndirici təlim keçirilib.

Kənd Təsərrüfatı Nazirliyi yanında Dövlət Fitosanitar Xidmətinin Respublika Bitki Mühafizəsi Mərkəzinin rəisi Damət Sultanovun rəhbərliyi ilə baş tutan təlimdə pambıq sovkasına qarşı aparılan mübarizə tədbirlərinin hazırkı vəziyyəti, uçot-müşahidə işlərinin aparılması, sirayətlənmə dərəcəsinin müəyyən edilməsi, İqtisadi Ziyanvurma Həddi (İZH) anlayışının tətbiqi, sahələrdə aparılan mübarizə zamanı texniki təhlükəsizlik qaydalarına əməl olunması ilə bağlı əyani məşğələlərin keçirilməsi və pestisidlərin tətbiqindən sonra əkin sahələrinin kənarlarına xəbərdaredici nişanların qoyulması kimi məsələlər müzakirə olunub.

Təlimdə Saatlı və Sabirabad rayonlarının kənd təsərrüfatı idarələrinin və “Aqrolizinq” ASC-nin mütəxəssisləri, fermerlər, təsərrüfat subyektlərinin rəhbərləri və yerli mütəxəssislər iştirak ediblər.

Tədbirin sonunda iştirakçılara həyata keçirilən tədbirlər zamanı texniki təhlükəsizlik qaydalarına əməl etmələri ilə bağlı müvafiq tövsiyələr verilib, pestisidlərin tərkib mexanizminə uyğun olaraq insanların sahələrə buraxılması müddəti ilə bağlı əyani vəsaitlər, bukletlər təqdim olunub və təlimatlarda göstərilən təhlükəsizlik tədbirlərinə riayət olunması istiqamətində fikir mübadiləsi aparılıb.



1 2 3 4
Copyright by DFNX, 2015
AZ 1106, Bakı şəhəri, N.Nərimanov küçəsi, 7a
(012) 562-87-60 (012) 562-82-45