04 aprel 2017-ci il tarixində Kənd Təsərrüfatı Nazirliyi yanında Dövlət Fitosanitar Nəzarəti Xidmətinin inzibati binasında FAO-nun “Azərbaycanda Fitosanitar Nəzarətin və diaqnostika xidmətlərinin gücləndirilməsi” layihəsi çərçivəsində karantin tətbiq edilən zərərli orqanizmlərin diaqnostikası üzrə seminar öz işinə başlayıb. Azərbaycan Respublikası Kənd Təsərrüfatı Nazirliyi yanında Dövlət Fitosanitar Nəzarət Xidmətinin və Dövlət Gömrük Komitəsinin fitosanitar müfəttişlərinin iştirak etdiyi təlimin əsas məqsədi müfəttişlərin karantin tətbiq edilən zərərli orqanizmlər, onların yayılması yolları, aşkarlanması və diaqnostikası sahəsində bilik və bacarıqlarının artırılmasıdır.

Hörmətli Həmkarlar! Novruz ümumxalq bayramı kimi uzun əsrlərdən bəri yurdumuzun hər bir guşəsində müxtəlif el şənlikləri və mərasimlərlə qarşılanır. Ulu Tanrıya, kainatın nizamına və ana təbiətə sonsuz sevginin parlaq ifadəsi olan bu bayramın qədim ənənələrinin bütün rəngarəngliyi ilə qorunub saxlanılması Azərbaycan xalqının öz tarixi-mədəni keçmişinə yüksək ehtiramını və milli-mənəvi dəyərlərə dərin bağlılığını nümayiş etdirir. Sizi yurdumuza ətir saçmış Bahar bayramı münasibətilə ürəkdən təbrik edir, qoy bu təravətli bayram süfrənizi ruzi, qəlbinizi isə xoş hisslərlə doldursun. Sağlamlığınız möhkəm, arzularınız sonsuz, umidləriniz gerçək olsun! Novruz bayramınız mübarək !

13 mart 2017-ci il tarixində FAO-nun “TCP/SEC/3502: Biotəhlükəsizlik Sahəsində Bacarıqların Artırılması” adlı regional layihəsi çərçivəsində “Biotəhlükəsizlik üzrə milli təlim kursu” başladı. Tədbirdə Azərbaycan Respublikası Kənd Təsərrüfatı Nazirliyi yanında Dövlət Fitosanitar Nəzarət Xidmətinin və müvafiq Bitki Karantin Məntəqələrinin, Azərbaycan Milli Elmlər Akademiyası Genetik Ehtiyatlar İnstitutunun, Səhiyyə Nazirliyinin, Elmi Tədqiqat Əkinçilik İnstitutunun, Molekulyar Biologiya və Biotexnoligaya İnstitutunun, Ekologiya və Təbii Sərvətlər Nazirliyinin, Bakı Dövlət Universitetinin nümayəndələri iştirak edib.

10 mart 2017-cil tarixdə Qobustan rayonunda Kənd Təsərrüfatı Nazirliyi yanında Dövlət Fitosanitar Nəzarəti Xidmətinin və Xidmətin yerli qurumlarının - rayon bitki mühafizəsi mərkəzlərinin, bitkilərin karantin məntəqələrinin əməkdaşlarının, bələdiyyələrin, icra nümayəndələrinin, torpaq mülkiyyətçilərinin və fermerləriniştirakı ilə “Dağlıq Şirvan bölgəsinin mədəni əkinlərində fitosanitar vəziyyətin təhlili və siçanabənzər gəmiricilər əleyhinə mübarizə tədbirlərinin həyata keçirilməsinin elmi-praktiki əsasları”na dair I regional müşavirə keçirilib.

8 Mart Dünya Qadınlar Günü, bütün dünyada, qadınların bərabərlik, inkişaf və daha dinc həyat həsrətlərini və istəklərini dilə gətirdikləri, birlik və birlik günü olaraq qeyd olunmaqdadır. Ümummilli lider Heydər Əliyev 8 Mart Beynəlxalq Qadınlar bayramı ilə bağlı deyirdi: “Bu bayram, doğrudan da bizim bütün bayramlar içərisində ən gözəl bayramdır. Çünki bu qadınlara həsr olunubdur. İnsan cəmiyyətində qadının rolu, əhəmiyyəti məlumdur. Qısaca onu demək olar ki, qadınsız həyat yoxdur. Qadınlar cəmiyyətdə, həyatda göstərdikləri bütün başqa xidmətlərlə yanaşı, ona görə ən yüksək qiymətə layiqdirlər ki, onlar anadırlar...”