• 18.08.2018/ Qazaxda Kolorado kartof böcəyinə qarşı kimyəvi mübarizə başlayıb
  • 15.08.2018 / Salyanda pambıqçılığın inkişafına dair respublika müşavirəsi keçirilib
  • 14.08.2018 / Tovuzda kartof güvəsinə qarşı bioloji mübarizə aparılır
  • 13.08.2018 / Azərbaycan və Türkiyə arasında kənd təsərrüfatı sahəsində birgə əməkdaşlığın həyata keçirilməsi barədə razılıq əldə edilib
  • 01.08.2018/ DÖVLƏT FİTOSANİTAR XİDMƏTİNDƏ ÜMUMRESPUBLİKA MÜŞAVİRƏSİ KEÇİRİLİB
  • 01.08.2018/ AĞCABƏDI RAYONUNDA KARANTIN ALAQ OTUNA QARŞI MÜBARIZƏ TƏDBIRLƏRI BAŞLAYIB

19 Avqust 2018
Dont risk

Xəbərlər

26.07.2018 / İsmayıllıda zərərvericilərə və xəstəliklərə qarşı mübarizə tədbirləri davam etdirilir

Kənd Təsərrüfatı Nazirliyi yanında Dövlət Fitosanitar Xidməti tərəfindən İsmayıllı rayonu ərazisində müxtəlif zərərvericilərə və xəstəliklərə qarşı müşahidə və mübarizə tədbirləri davam etdirilir.

Dövlət Xidmətinin İsmayıllı Rayon Bitki Mühafizəsi Mərkəzi tərəfindən İsmayıllı rayonunun Yeniyol və Diyallı kəndləri  ərazisindəki 10 hektar müxtəlif meyvə və 6 hektar qoz bağlarında fitosanitar müşahidə həyata keçirilib.

Müşahidə zamanı 5 hektar alma bağında dəmgil xəstəliyinin əlamətləri aşkar olunub. Xəstəliyin İqtisadi Ziyanvurma Həddi yüksək olmasa da, sahibkara proflaktiki tədbir kimi kimyəvi mübarizə işləri aparılması tövsiyə edilib. Bildirilib ki, dəmgil xəstəliyi ciddi ziyan vuran və geniş yayılan göbələk xəstəliyidir və alma və armud ağaclarının yarpağını, birillik zoğlarını, çiçəklərini və meyvələrini sirayətləndirir. Sirayətlənmənin qarşısını vaxtında almaq üçün mübarizə tədbiri aparmaq məqsədi ilə qış dövründə yarpaqlar yandırılmalı, gövdə ətrafı bellənməli, 3-4%-li Bordo mayesi ilə çiləmə aparılmalıdır. Vegetasiya dövründə 1%-li Bordo mayesi, 0,4%-li sineb, mis-xlor oksidi və skor preparatlarından biri ilə 10-12 gündən bir çilənmə aparılmalıdır.

 Eyni zamanda, intensiv üsulla salınmış 6 hektar cavan qoz bağında aparılan fitosanitar müşahidələr zamanı antroknoz xəstəliyi müəyyən edilib. Mütəxəssislər tərəfindən sahibkara profilaktiki tədbir kimi aqrotexniki tədbirlərə düzgün əməl edilməsi və kimyəvi mübarizə aparılması ilə bağlı müvafiq tövsiyələr verilib. Mülkiyyətçi tərəfindən Dikotan preparatı vasitəsi ilə mübarizə aparılıb. Digər meyvə bağlarında isə ciddi xəstəlik və zərərvericilərə rast gəlinməyib.

Daha sonra 22 hektar tərəvəz-bostan sahəsində fitosanitar müşahidələr aparılıb və 2 hektar kələm sahəsində kələm sovkası, 1,5 hektar pomidor sahəsində yarpaq qıvrılması,0,5 hektar xiyar sahəsində unlu şeh xəstəliyi müəyyən edilib. Mülkiyyətçilərə kələm sovkasına qarşı sipermetrin tərkibli preparatlardan biri ilə, digər xəstəliklərə qarşı isə həm müalicəvi, həm də profilaktiki tədbir kimi 10 -12 gündən bir Topaz, Bordo, Ridomil Gold və digər preparatlardan biri ilə mübarizə aparılması tövsiyə edilib. Həmçinin kimyəvi preparatlardan və aqrokimyəvi maddələrdən istifadə zamanı tətbiq olunan doza və texniki təhlükəsizlik tədbirləri barədə təlimatlar təqdim olunub.

Hazırda İsmayıllı rayonu ərazisində karantin zərərvericilərinə və xəstəliklərə qarşı müşahidə və mübarizə tədbirləri davam etdirilir.

Qeyd edək ki, payızlıq taxıl toxumlarının seçilməsində çətinlik çəkən fermerlərlə də mütamadi görüşlər keçirilir, onlara taxılın keyfiyyəti, alaq otları və xəstəliklərə yoluxmasına qarşı aparılan mübarizə tədbirləri barədə məlumatlar verilir və əməli köməkliklər göstərilir.



1 2 3 4
Copyright by DFNX, 2015
AZ 1106, Bakı şəhəri, N.Nərimanov küçəsi, 7a
(012) 562-87-60 (012) 562-82-45